मैत्रीच नातं तुझं नि माझं,

मैत्रीच नातं तुझं नि माझं,
.....असंच राहू दे.

वाळवंट जरी मी,
.....नंदनवन फुलवून घे.

हृदय शुष्क जरी माझे,
.....मनीं आनंद पाझरु दे.

चुकले जरी मी,
.....बरोबर तू करुन घे.

दुःख जरी दिले मी,
.....सुख तू मानून घे.

निरपेक्ष जरी मी,
.....अपेक्षा तू राहू दे.

मैत्रीच नातं तुझं नि माझं,
.....असंच राहू दे.

ध्यानी जरी नसे मी,
.....मनात तव असू दे.

दूरदेशी असले जरी,
.....जवळीक तू असू दे.

तुझी आणि माझी " मैत्री " हा
.....सदा भाव राहू दे.

नयनातून माझिया ,
.....तव प्रेम ओघळू दे.

मैत्रीच नातं तुझं नि माझं,
.....असंच राहू दे.