दोन मनांची अशी असावी मैत्री

दोन मनांची अशी असावी मैत्री
सुखात अन दु:खात टिकावी मैत्री...

दोघांपाशी काही उरले नाही;
दोघांमध्ये तरी उरावी मैत्री...

भेटगाठ घडते अथवा ना घडते
न भेटताही मनी जपावी मैत्री...

चढ-उतार असतातच नात्यांमध्ये
कठिण प्रसंगांतच दृढ व्हावी मैत्री...

'उपकारां'ची भाषा मैत्रीमध्ये?
द्यायचेच तर फक्त स्मरावी मैत्री...

जगायचे या जगात कोणासाठी?
जगायचे तर फक्त 'जगावी' मैत्री...